Les mots surlignés font l'objet d'une note
1Monseigneur, je ne doubte poinct que vous lettres ne facent bonne operation pour le
2faict de madame la grand, combien que messieurs des comptes ayent faict
3samedy queles seroyent reveues par la chambre à cause des conclusions quilz
5avoyent faictes sans avoyr bien au long cogneu lintention de sa majesté
6pourtée par lesdites lettres de don. Monsieur le président ma promis à ce matin
7de me faire despecher. Dieu par sa grace veulhe que ce soyt à votre
8contantement et de celuy de madame la grand. Je ne me doubte que
9dune modiffication, mays cela ne seroyt suyvre lintention du
10roy. Je nay poinct sceu des novelles de madicte dame despuys
11des dernières. Je ne scay que lempesche à mescripre, si nest le
12bruict quon faict icy de la mort de son altesse. Je vous puys
13asseurer que je noblie rien à estre importun envers ses messieurs
14pour lenuye que jay de veoir madite dame contesté en son
15sprict et moy auprès de vous pour recepvoyr voz commandementz.
16Soudain quil y aura arrest, je ne fauldrey vous en advertir
17et madite dame aussi ; et parce que les promesses de monsieur
18Le president me sont si proches et en sperance de le veoir
19reusir comme je le desire, jactendrey de luy escripre pour son
20contententement [sic] et la verité comme elle passera. Lappoinctement
21de quoy lescripvis par mes dernières lettres fust faict vendredy et
22lespousée coucha avec ce dispost homme et dancèrent les
23comaires toute la nuict. Il est vray quele neust que les
24ranversseures. Il est à craindre dune novelle rumour
25car après avoyr dung commung consentement chassé la garsse
26ou chambrière, il renaistroyt des novelles amours, car madame en
27a amené une aultre qui est belle et jeune, si tant est
28[150 v°] elle sera cause de son martire. Toutesfoys, pour obvier à tel inconvenient,
29Je la veulx retirer parce quele est du Montelimar, affin quelle
30ne peche par ingnorence. Ce froyt a tellement abattu les
31challeurs des dames de ceste ville quil ny a aultre
32port que de robes de drap avec escarssons doublés
33ou fourrés de peau de lieuvre, et prins leur modelle
34sus madame de Saint Marcel. Je vous ay escript cy devant
35par larmurier à la grand ballafre de Vallance la grande
36maladie de madamoyselle de Saint Prie. Maintenant je
37vous en faictz une recharge pour vous asseurer quelle
38va en empirant avec une fiebvre continue et faict grand
39regret de ce que ne mavés faict responce à ladite lettre
40pour son contantement, car son intention est, si elle venoyt
41à mourir, de donner tout à voz enfans. Je vous supplie donc,
42monseigneur, men escripre ung mot et à elle. Madamoiselle
43et seur pour laller veoir princt ung semblable
44mal quelle qui me faict pencer quil y aist de la
45contaigion. Toutesfoys, ce froit là pourroyt labatre. Elles
46sont toutes deux bien fort malades. Je remetray à vous
47discourir de ce qui pourra succeder entrecy et avoyr
48responce de vous qui me faict supplier le Createur
49vous donner
50monseigneur, en parfaicte santé heureuse vie et longue. De Grenoble,
51ce IXe jour de febvrier 1574.
52Votre très humble serviteur
53Duvant